etten oet de natuur

Dialectkring Achterhoek – De verniejde Moespot

Beste leu, hebt uleu onze nieje Moespot al is ezeen? Nee? Ie wet gaar neet wat nen Moespot is? Noh, dan he‛j echt wat emist, want wiej hebt sinds ut nieje jaor, ut tiedschrift “de Moespot” moderniseerd.

Ut tiedschrift “de Moespot” besteet al heel lange en wodt deur dree dialectkringen oet-egeven. Zo is daor de dialectkring oet Salland, de dialectkring Lochem en umgeving en dan de dialectkring Achterhook en Liemers. Dee dree kringen warkt samen in nen verbond en geeft met mekare, veer maol in ut jaor “de Moespot” oet. Nen tiedschrift geheel in ut plat eschreven. Bu‛j lid van een van disse kringen, dan krie‛j ut tiedschrift vanzelf in de brevenbusse.

Jao, heur ik oe noe denken: Wat steet der dan zoal in? Noh, dat za‛k oe verteln. In ut tiedschrift staot allerhande verhaaln, gedichtn en columns van leu oet onze eagen streek. Leu die in ut Achterhooks, Liemers of Sallands schrieft. (Mangs steet der ok wal is Tweants in, veural as ik wat eschreven heb.) Disse leu probeert de streektaal laevendig te hooln.

En nee, ut geet neet allene maor aover ut aolde laeven van vrogger, maor ut bunt moderne verhaaln en gedichtn. Wieters ku‛j ut niejs laezen aover de dialectkringen en wat ze zoal organiseert um de sproake onder de leu te brengen. Ok veur de kinder steet der altied nen verhaal of gedicht in, zo probeert wiej veur de blagen ut tiedschrift ok antrekkelijk te maken.

Noe is de redactie van “de Moespot”  nog op zeuk naor fotografen, tekenaars en andere talenten. Dus ku‛j mooie foto‛s maken of good tekenen of wol ie ok wal is nen maol nen verhaal of gedicht schrieven, dan zeukt wiej oe. Ie kunt oen wark insturen naor redactie.moespot@gmail.com. Wal mot oen wark in ut dialect eschreven waen. De spelling maakt neet oet, a‛j maor consequent bunt. Ie kriegt ut neet betaald, ut is vriejwilligerswark en ie doot der nen hoop leu, nen plezeer met.

Bu‛j noe al niejschierig ewodden? Wo‛j ok wal is nen maol  “de Moespot” in de busse hebben? Ie könt um ok lös kopen op de webstae van de Dialectkring Achterhook en Liemers: www.dialectkring.nl. Dan ku‛j nen maol kieken of ut wat veur oe is. Ut mooiste zol natuurlijk waen da‛j lid wodt van een van de kringen. A‛j lid wilt wodden van de Dialectkring Achterhook en Liemers ku‛j oe anmelden via de webstae. Ik zol zeggen, doot dat veural, want wiej wilt onze mooie spraoke laoten laeven en “de Moespot” wieter verspreiden.

Annemarie Damveld

___________________________________________________________________

Columns

Maandblad MIJN Magazine heeft columns van verschillende Achterhoekse columnisten. Ook meer columns? Klik dan op de bijbehorende link! https://www.helemaalachterhoek.nl/category/mijnmagazine/columns/

Verder lezen

Ebbers Mechanisatie
Bedrijfspresentaties

Automowers: voor een perfect gazon

De landbouw staat onder druk. Ebbers Mechanisatie ondervindt er geen last van. Integendeel, het bedrijf in Winterswijk-Huppel maakt zelfs een mooie groei door. Klanten zijn uitermate tevreden over het uitgebreide

Geef een reactie

Het e-mailadres wordt niet gepubliceerd. Vereiste velden zijn gemarkeerd met *