“Vastberaden en Veelbelovend” van Frederieke Jeletich-Visser wodden uut op 3 meert jl. in Toldiek oet vief genomineerden verkaozen töt ’t beste book van Achterhook en Liemers 2023. ’t Book geet aover de kunstschilder Max van Dam, in 1910 geboren in Wenterswiek. Max was in ‘n tied dat dat neet makkelek was, vastberaone um ne goeien kunstschilder te wodden, en zien talent was völbelaovend. Maor in september 1943 wodden e vermoord in Sobibor. De nazi’s hebt uns met Max van Dam een groot kunstenaar ontnommen. ’t Belangriekste van ‘t book is misschien wal dat ‘t naost een pakkend verhaal ok een bosschoppe hef en ‘n oproop is um de vri-jheid, de vrae en de kunst te koestern en te borgen.
Bevrijding
Bienao tachteg jaor nao de bevri-jding raakt de verhalen aover den tweeden Wereldoorlog uns nog altied. Getuge ok ’t feit dat der nóg een book aover de oorlog bi-j de eerste vieve zat, nl. “de oorlog van Jan Massink”. Misschien juust wal in disse tied waor grote onrust heerst en oorlog neet meer wied weg is.
Nog jong en onervaren zat ik darteg jaor gelaene in een comité dat de feestelekheden rond de viering van viefteg jaor bevrijding zol organiseren. Eén van unze veurstellen ton was um afgevaardigden van unze Duutse buurgemeenten uut te neugen bi-j de herdenkingsdienst. Dat brag nogal wat discussie en tumult tewaege, waornao beslotten wodden um van dee uutneudeging af te zeen. De tied was der kennelek nog neet riepe veur.
Ne kleine darteg jaor later, bunt dee inzichten gelukkeg veranderd, realistischer ewodden. Wi-j wet dat neet alle Hollanders verzetshelden en neet alle Duutsers slecht wazzen. Starker nog, hier an de grenze heelpen de leu mekare tiedens de oorlog ok nog aover en weer met onderduken, aeten en drinken.
Allengs meer maakt Duutse gasten in de regio deel uut van herdenkingsplechtegheden. Binnenkot wodt ’t bevri-jdingsvuur in Wageningen op-ehaald deur gezameleke lopers uut Olde Iesselstreek, Montferland en Emmerich. Dat is mooi, want wi-j hebt mekare as naobers in Europa hard neudeg en ‘t vrög ok hedentendage van uns nog de neudege vastberaonegheid um de eenheid met mekare te bewaarn en ’t vergooien van jonge laevens te veurkommen.
Diana Abbink
___________________________________________________________________
Columns
Maandblad MIJN Magazine heeft columns van verschillende Achterhoekse columnisten. Meer columns? Klik dan op de bijbehorende link! https://www.helemaalachterhoek.nl/category/mijnmagazine/columns/
Eén reactie
When I initially commentted I cpicked thee “Notify me when new comments are added” checkbx annd now eaach time a commeht is added I gett several
e-mails with the sam comment. Is thewre any way yoou can remove peopl ffrom that service?
Thank you!